|
دهولهتی سوید بریاریداوه که سهدان کهس له پهنابهرانی عیراقی بنیریتهوه، لهبهر ئهوهی به قهولی ئهوان "کوردستان جیگایهکی ئهمینه". ئهگهر لهدهرهوه سهیری وهزعهکه بکهین لهوانهیه کوردستان تارادهیهک هیمن بیت وه تهقینهوهی کهمتری تیدا رووبدات، بهلام ئایا وایه له واقعدا؟ ئایا بهراستی کوردستان جیگایهکی ئهمینه بۆ گهرانهوهی ژنان بهبی دهردی سهری؟. ژنان له کوردستان هیچ جۆره ئهمنیهتیکیان نیه!. له کوردستان ئهگهر ژنیک لهدهست کهس و کاری رابکات ئهوا سزاکهی کوشتنه، لهبهرئهوهی بهپیی عورف و عاداتی باوو دواکهوتوو شهرهفی خیزانیان لهکهدار کردووه. له کوردستان ژنان له سایهی نایهکسانی بیقانوونی ژیان بهسهر دهبهن. ژنان هیچ جۆره مافیکی یاسایی وه شهخسیان نیه له بریاردان لهسهر ژیانی خۆیان، بهلکو کهس و کارو دهوروبهر بۆیان دیاری دهکهن. بهردبارانکردنی "دووعا" لهسهر ئهوهی کوریکی خۆشدهویست، کوشتنی "شهوبۆ" تهنها لهبهر ئهوهی ژماره تهلهفۆنیکی نهناسراویان دۆزیوهتهوه له مۆبایلهکهیدا! وه ههزاران ههزار ژن که له سایهی ترس و لهرزو چاوهروانی مردندا ژیان بهسهر دهبهن حهقیقهتیکی حاشا ههلنهگره. دهولهتی سوید لیپرسراویتیهکی گهورهی له ئهستۆدایه لهبهرامبهر ژیان و گوزهرانی ژنانیک که ههرهشهی ناردنهوهیان لهسهره. دهبیت ئهو ههل و مهرجه لهبهرچاو بگیریت که دووچاری ژنان دهبیتهوه لهحالهتی ناردنهوهیاندا. ئیمه ریکخراوی ئازادی ژن له عیراق/ سوید داوا دهکهین له دهولهتی سوید که دهست ههلگریت له ناردنهوهی ژنان بۆ کوردستانی عیراق وه لهجیگهیدا مافی پهنابهریتیان پیبدات، وه هاوکات پشتیوانی خۆمان بۆ ژنان دهردهبرین وه فشار دینین بۆ دهولهت تا پهشیمان دهبیتهوه وه پاشهکشه دهکات.
ریگا رووف لیپرسراوی ریکخراوی ئازادی ژن له سوید |