|
له دریژهی چالاکیهکانی کهمپینی جیهانی دژ به بهردباران کردنی ژنان له کوردستان/ سوید رۆژی چوارشهممه 13/6/2007 کات ژمیر 10 بهیانی وهفدیکی ریکخراوی ئازادی ژن له سوید که پیکهاتبوو له هاورییان "ریگا رووف" نوینهری ریکخراو وه "سوزان لوندگرین" ئهندامی چالاکی ریکخراو چاویان کهوت به بهریز "ئهحمهد بامهرنی" سهفیری عیراق له سوید. لهو کۆبوونهوهیهدا قسهوباسهکان لهلایهن "ریگا رووف" وه کرایهوه که تیایدا ئاماژهی کرد به تیرۆرو کوشتنی ژنان له کوردستان وه به تایبهت بهردباران کردنی "دووعا" که له مانگی نیساندا روویدا، ههروهها چالاکیهکانی کهمپین له دژی ئهم کارهساته. شایهنی باسه سهفیری عیراق سهرهرای ئیدانهکردنی ئهو کاره جهختی لهسهرئهوهکرد که ئهم کیشهیه نهخریته پال یهزیدیهکان وهک گرووپیک، ههروهها بهلینی دا به وهفدهکه که لهلایهن خۆیهوه ئهو نامه نارهزایهتیهی که کهمپین دایه دهستیان بیگهیهنیته دهستی دهولهتی عیراق که ئهم خالانهی له خۆ گرتبوو : 1/ به سزا گهیاندنی ئهو کهسانهی که ههستان به ئهنجام دانی ئهو کارهساته. 2/ قهدهغهکردنی تیرۆری ژنان. 3/ پاراستنی ژیان و گیانی ئهو ژنانهی که ههرهشهی کوشتنیان لهسهره. ئهمهو کۆبوونهوهکه دوای یهک سهعات کۆتایی هات.
ریکخراوی ئازادی ژن له سوید 14-6-2007 |